東網電視
更多新聞短片
究竟係點做到？
1/10
Ali、黎諾懿和陳秀珠等於大年初五，在黃大仙拍攝無綫新劇《BB來了》，Ali和諾懿同樣於狗年首日開工，所以兩人互祝開工大吉兼互派開工利是，其中諾懿更向Ali撻出囝囝小春雞個朵，明屈Ali派雙封利是！奸計得逞的諾懿笑說：「要出動囝囝先收到，今朝佢點都唔肯畀我！」問與男友陳炳銓拍拖多時的Ali，下年可會做人妻，正式派雙封利是？她即說：「咁快？」諾懿聞言即指自己除了旺拍檔戀愛運，更非常旺丁：「祝你早日雙喜臨門！」令Ali哭笑不得：「我嫁得出就得，唔使有BB住！」
承諾新年陪囝囝
提到小春雞日前感染流感，諾懿表示囝囝已經出院：「大家唔使擔心，依家佢喉嚨都係有啲感染，希望抗生素有效，如果情況冇明顯好轉，就可能要返醫院。（早幾日佢都好精神？）係，剛剛睇醫生都話佢情況輕微，但到夜晚就突然嚴重好多，所以初一至初三都廿四小時陪仔，我同佢講其實你想我陪你，唔使用呢個方法，而我都應承每年初一至初三都陪佢，但唔需要去醫院。」而曾經與媽媽兩個幾月冇見的Ali開心透露，日前終於可以放假陪對方過新年，更孖住去寺廟祈福，享天倫之樂。
----------------------------
東網巨星開咗ig喇，大家快啲follow啦！
李佳芯和陳秀珠（中）日前為新劇進行拍攝。
Ali話下年做人妻太快喎！
李佳芯笑言只求嫁得出，唔急生B住。
左起：陳秀珠、黎諾懿與李佳芯
諾懿指自己除了旺拍檔戀愛運，仲非常旺丁。
提到小春雞日前「中招」，諾懿表示囝囝已經出院。
黎諾懿出動埋「小春雞」，終於?到李佳芯兩封利是！
祝Ali早日雙喜臨門咁話！
仲話囝囝好精神添！
