John Legend港騷　難忘做DJ為老婆「催生」

美國騷靈天王John Legend闊別香港11年，昨晚再度來港開騷，假亞洲博覽館舉行《Darkness and Light Tour》巡迴演唱會，吸引多位明星如連詩雅及吳業坤捧場。吳業坤表示自己是John的粉絲，由細聽到大。<br/><br/>演唱會於八時半開始，全場爆滿。John一開場向粉絲打招呼：「你哋好！我要你哋全部企起身。香港你哋準備好未？」觀眾好樂意咁企晒起身，氣氛甚佳。John全晚獻唱多首經典歌曲包括《星聲夢裏人》（La La Land）的《Start A Fire》及包辦男女聲自彈自唱《Beauty and the Beast》，全場觀眾一齊企起身揮手跟住大合唱。<br/><br/>最有趣的是John唱到《Superfly》時，提及孕妻Chrissy Teigen及1歲囡囡Luna昨日遊香港迪士尼樂園玩得好開心，令John回憶太太誕下Luna過程：「時間返去兩年前，當時太太喺洛杉磯醫院產房準備生Luna，全家人都嚟齊晒，我冇用幫唔到手，唯有做DJ播吓派對歌搞氣氛啦。」太太Chrissy說：「John我想你播快啲。」John分享當時播放Beyonce、Jay-Z及Rihanna的歌曲，播到《Superfly》時為下午四時，囡囡Luna終於出世，John形容嗰刻好難忘。<br/><br/>John唱《Greenlight》時見部分觀眾坐低，他暫停樂隊奏出音樂，誠邀全場企起身先再獻唱，之後他更唱到high爆企上三角琴。最後安歌部分John唱《All of Me》及《Glory》，演唱會約10時半圓滿結束。<br/><br/>----------------------------<br/>東網巨星開咗ig喇，大家快啲follow啦！<br/> https://goo.gl/KGuo2N <br/><br/>