B女重7磅！楊潮凱趁太太開刀去「偷食」

無綫藝員岑麗香（香香）與楊潮凱在旺角出席戒煙活動，楊潮凱近日剛剛做老竇，女兒重7磅多，太太亦已經出院，母女平安。問到女兒出生他可有感動到喊？楊潮凱說：「我都以為自己會喊，但係冇喊。（陪太太入產房？）原本諗住陪太太入產房，但係因為太太陣痛咗十幾個鐘，最尾要開刀，我就趁太太開刀嗰陣出去食過飯返嚟再等BB。（BB幾重？）7磅幾，係大B嚟。但係我出世仲重8磅幾。太太本來都冇喊，到第二朝抱住BB嘅時候就感動到喊，但我都冇喊，我都問自己係咪冷血㗎，不過當時又冇理由用演技去谷眼淚，哈哈。」

學習做媽咪

岑麗香與楊潮凱一家住得好近，她最初看網上消息還以為楊潮凱的BB已經出世，還打電話給他看有甚麼要幫忙，看要不要為他買餸或買食物，豈料BB還未出世。問到會否趁機學習做媽咪？香香笑說：「等佢哋安頓好先再去探佢哋，到時學吓嘢。（想生個重磅BB？）到時先至算，順其自然啦，最緊要係BB健康，依家玩住人哋嘅BB先。」

----------------------------

東網巨星開咗ig喇，大家快啲follow啦！