窮到燶!李晧軒為另一半着想狠心分手

20180508
東網電視
更多新聞短片
飯都冇得食又真係好難講愛情。
歌手李晧軒(Will)到電台宣傳首支派台歌《窮我一生》:「講一個好窮嘅男仔為另一半着想,狠下決心離開。(係你嘅故事?)一小部分係,公司將我一啲故事畀咗林夕,收到歌嘅時候我嚇咗一跳,好似將我嘅過去同將來想做嘅事都寫咗出嚟,而窮我一生亦有要用一生為事業拚搏嘅意思。」Will自爆曾經很窮,連「掃街」吃小食也要忍住:「我要幫手養家,15歲就開始做兼職,做過廚房、港鐵、鐘錶維修同地盤雜工,擔擔抬抬,日曬雨淋。」他強調從沒放棄音樂,一收工就去Busking,後來更認識到現任經理人:「我聽過首歌叫《我可以》,發覺自己都唱到嗰陣好有滿足感,從此愛上咗唱歌。」他指張敬軒(軒仔)和林奕匡的歌曲影響自己很深,早前Will首次做訪問時更巧遇軒仔:「我即刻送我嘅派台碟畀佢,覺得自己好幸運。」
努力進修玩真正Busking
出道後Will忙於宣傳,但仍會盡量抽時間與朋友到尖沙咀碼頭Busking:「我唔識玩樂器,只係播MMO,最初只係自娛,都擔心大家反應未必好好,估唔到儲到一班Fans,亦冇諗過入到行。」提起出道當天,在文化中心外踏上真正屬於自己的舞台,他直言難忘和開心:「我嘅朋友、家人同同事都嚟咗!希望呢兩年可以改善自己嘅咬字、懶音、拍子同埋學樂理,可以自彈自唱自己嘅歌曲,咁就係真正Busking。」
----------------------------
東網巨星開咗ig喇,大家快啲follow啦!