東網電視
更多新聞短片
今年係Grace做咗媽咪後首個母親節。
1/5
時裝設計師蔡毅明（Grace）去年誕下兒子，今年是為人母後的首個母親節，她稱做了媽咪才感受到母愛的偉大：「我依家知道做媽咪係好辛苦，尤其我係一個要工作嘅媽咪，一邊工作一邊照顧小朋友嘅媽咪，係好需要人尊重。雖然辛苦，但係好開心，係無價，見到小朋友嘅笑容，係好得意，辛苦都係值得。反而有一個好強烈嘅感覺，做咗媽咪之後喺今個母親節我要對自己媽咪更好，平時都會同佢食飯，但依家會更加去錫自己嘅父母。」Grace笑言現時對她來說，母親節絕對重要過情人節。
似打兩份工
談到工作，Grace坦言現時多留在家工作，在辦工室的時間相對減少，幸好有一班好同事可以幫助她，她無奈說：「啲人話BB瞓覺嘅時候，媽媽就應該爭取時間休息，但呢個時間先係我最好嘅工作時間。（好似打緊兩份工咁﹖）冇錯，BB就係我嘅老闆。」
要湊BB同返工都幾辛苦。
知道做媽咪辛苦，Grace話會更加錫父母。
Grace話好似返緊兩份工。
Grace搞笑話BB就係佢嘅老闆。
