東網電視
更多新聞短片
佢仲話自己脾氣好大添。
1/3
歌手黃浩琳（Lillian）早前到大角咀開小型騷，獻唱《變幻》等歌曲，又預告將於下周再開：「首歌講對親人嘅思念，係我睇完一套比較血腥嘅電影之後寫，入面有講親情嘅情節，反差好大。」問到家人可有到場支持？她指父母和孖生家姐都有捧場，令她非常感動，更自爆脾氣大：「愈Close嘅人就愈會見到自己嘅真面目，好多人覺得我斯文，但我對住屋企人就唔會有保留。我以前一表演就好緊張，全日淨係諗住要唱嘅歌同要講嘅嘢。如果有人問我演出時間地點，我就會問點解佢唔自己上網睇。」
感激家人包容
她更自嘲脾氣怪，不喜歡邊吃飯邊煲劇時被騷擾：「好似嘥咗我啲嘢食咁，我會有啲唔順氣，不過人哋睇緊戲我又會問人嘢，好唔公平！」她感激家人仍然支持自己，因此已學習控制脾氣，早前去英國旅行時更寫了一首《小窩居》講述家人對自己的愛：「我冇特登同佢哋講，不過佢哋喺我宣傳嗰陣聽到就好開心，佢哋真係好愛我，好受我影響。」
盛讚Partner
提到邀請了音樂人Mike擔任伴奏，她指二人是好朋友：「我好相信佢對音樂嘅觸覺，佢識彈電結他、木結他，又識彈琴，好清楚我音樂嘅性質，我好靠佢幫我編曲。」至於另一樂手Mark，Lillian佢都大讚二人有音樂才華，笑言兩位樂手都很值錢：「佢除咗玩敲擊樂，仲玩結他同低音結他，又識唱歌。綵排嗰日，佢淨係用個箱鼓已經令我嘅歌生色不少。」
----------------------------
東網巨星開咗ig喇，大家快啲follow啦！
喺愈親嘅人面前愈唔會掩飾！
所以好多謝屋企人包容佢咁話！
