娛樂公司群星戰 《火熱動感》鬧雙胞
20180523
東網電視
更多新聞短片
由許志安、郭富城和梁漢文等合唱的《火熱動感LaLaLa》被翻唱，更鬧出「雙胞」。
曾經是「華星」歌手的梁漢文、郭富城和許志安等當年合唱了《火熱動感LaLaLa》，於1992年推出時熱爆全城，不過今年就分別有兩間唱片公司分別翻唱、翻拍同一首歌。
「夢想沙龍」的旗下歌手蔚雨芯、馬天佑聯同公司藝人陳嘉茵、男子組合ReVe等赴台灣拍攝MV《火熱動感》，並於今日發布宣傳照，似有意搶今日由「天盟娛樂」旗下歌手Bingo、楊斯捷等重拍《火熱動感LaLaLa》MV風頭。
夢想沙龍發言人民迪表示《火熱動感》MV因日前在台灣拍攝，歌曲版權、製作費、機票連酒店食宿費等逾100萬港元，況且公司重本聘請周杰倫御用MV導演珍妮美執導，還有麥秋成做舞指，而因今年已經是2018年，公司想歌曲有新元素，所以截除了《LaLaLa》歌名，問歌曲鬧雙胞？民迪說：「良性競爭、跳舞歌已經好難做，但開心香港有人支持，鬧雙胞唔會嬲，我哋班底好強。」
而「天盟娛樂」執行董事林偉漢則說：「我哋知民迪都係拍呢首歌，唔介意鬧雙胞，各有各做，百花齊放啦，不過我哋雖然冇喺台灣拍MV，但製作費都差唔多過100萬港幣，況且我哋嗰首係original（原版）啲，因為呢首歌喺當年由我哋公司董事陳欣健搵返嚟，況且我哋嘅歌名係一樣，仲係搵番當年排舞師Sunny Wong幫我哋再重新編排舞，仲有呢首歌喺去年陳欣健嘅演唱會上已經表演過，今日再拍MV啫。」
----------------------------
東網巨星開咗ig喇，大家快啲follow啦！