夾Band搵唔到食？Zpecial返兼職幫補生計
20180524
東網電視
更多新聞短片
好彩佢哋嘅屋企人都好支持！
4人樂隊Zpecial出席電台訪問時，宣傳今年第一首派台歌《快樂症候群》，主音康聰揚言心情好緊張，透露雖然夾band經已9年，但現在才正式以樂隊作為職業，做樂壇新人。問到賺錢有否壓力，點知原來4人皆有固定兼職幫補生計，康聰在時裝公司擔任Marketing、鼓手煒賢在會所做健身教練、低音結他手Tat ming做演唱會音響、結他手Mike則在大學做研究。
煒賢說：「屋企人對我好支持，無要求我應該要搵正職，廿幾歲要點，三十歲就要結婚生仔呢啲，好尊重我，我屋企好好，我愛我屋企人。」康聰説：「我屋企會擔心，要我思考人生，但唔會阻止我鍾意做嘅嘢，唯一要我照顧到自己，對人生要負責任，點樣對自己人生負責任，我就咁諗，就係夾band唔好當玩，要完全投入。」Tat ming表示每次家人看到他出騷的照片都表現開心，故他好想做點成績出來，回饋家人，Mike亦表示每次做騷，家人都會神秘現身支持。
問到回饋家人最實際是否給予家用？4人都表示有給予家用。提到新歌《快》，康聰表示好多人覺得快樂其實好簡單，但往往忘記了快樂背後的原因，他說好像煒賢就算好攰，去到健身室就好開心好快樂。煒賢笑說：「咁講好似好奇怪，唔係見到啲大隻佬就好開心，唔好講到我有特別辟好，其實唔係，因為經過一日辛勞，好大壓力，去到健身室健身發洩咗出來，將所有唔開心情緒發洩，呢個就係我開心原因。」
他們又透露7月便推出一隻10首歌大碟，會到香港知專設計學院做騷，學院乃康聰和煒賢曾就讀的地方，期望與師弟師妹合作。
----------------------------
東網巨星開咗ig喇，大家快啲follow啦！