東網電視
更多新聞短片
Alfred上電台宣傳新歌。
1/5
歌手許廷鏗（Alfred）現身電台宣傳新歌《恐怖情人》，這是他首次與雷頌德（Mark）合作，他表示新歌現階段只限於電台及YouTube上收聽，因此想反其道而行：「要花多啲時間先至留意到，唔會飛歌。」
嚮往忠貞愛情觀
Alfred講述《恐》是一個細水長流、真人真事的愛情故事，他表示：「現實中個主角係女仔，已經唔喺度，而個男仔即使唔係香港人都留喺香港留守，咁專一、堅持，喺呢個年代好少見，一片癡心咁恐怖，但傻得天真。」問到現實中自己會唔會咁傻？Alfred抵死笑話由牙醫變做歌手已經夠傻，不過都好嚮往呢種愛情觀：「單純為一個人犧牲，花青春、時間、心力去投放入愛情。（曾經試過？）初戀囉，中學嘅時期，唔會諗咁多現實嘅嘢，依家諗番係傻得值得。」初戀傻咗啲咩？他怕醜憶述：「初戀拍咗3年，嗰時唔知點解會去到談婚論嫁，都傻得幾可愛，但依家冇咗咁純粹嘅愛情觀感。」
識朋友較小心
此外，Alfred直言現時識朋友都比較保守，因為始終都是藝人身份：「都會諗吓佢係會因為我係許廷鏗而想識我，定係真係想同我做朋友又好、情侶又好，覺得遇到啱就啱，唔會急進去求，但又唔可以對愛情感到完全失望。」
----------------------------
東網巨星開咗ig喇，大家快啲follow啦！
Alfred表示好嚮往歌裏面忠貞嘅愛情觀。
Alfred感慨話依家冇咗咁純粹嘅愛情觀感喇。
Alfred自爆中學時期已經有初戀～
Alfred表示同初戀拍咗3年拖，仲已經談婚論嫁添！
