東網電視
更多新聞短片
何雁詩否認同Fred感情有變。
1/6
歌手何雁詩（阿詩）跟鄭俊弘（Fred）去年被爆秘密拍拖，負面報道接踵而來，當時兩人承受着巨大壓力，更傳遭公司棒打鴛鴦。經過一年時間的考驗，兩人的感情絲毫未受影響，但為保愛苗，兩人決定低調處理感情事。
否認分手傳聞
目前身在澳洲旅遊的阿詩，對於被指早前她與男友在西貢食飯時相對無言，阿詩越洋回覆東網：「又唔會話好煩成日被人話分手，我都習慣咗，冇乜所謂，我哋兩個自己開心咪OK，始終感情係我哋兩個人嘅事。」
唔怕凍十度潛水
阿詩透露已經在澳洲玩了近十日，而男友Fred未有同行，她笑說：「佢早幾日去咗馬來西亞做嘢，嚟緊我又開劇，我咪諗住開劇之前去個旅行先，返嚟就專心開工，所以就等冇佢，自己走先。」阿詩在當地還一嘗潛水樂趣，不過當地只有十度，天氣頗凍。見到她在社交網上載的旅行相中，她凍到連鼻哥都紅晒！有一年沒有開劇的阿詩又透露將會接拍一套時裝劇，所以心情很興奮。
何雁詩低調處理感情事。
去咗睇星。
何雁詩最近去咗澳洲旅行，仲唔怕凍喺十度氣溫玩潛水。
何雁詩喺大約兩星期前參加香港女子高爾夫球公開賽，當時Fred（左）都有現身力撐女友。
心情好靚！
