勁多禁忌！李雯希爆主持兒童節目規矩
20180601
東網電視
更多新聞短片
唔講真係唔知！
歌手出身的李雯希（Simon）擔任了三年兒童節目主持，她坦言獲益良多：「訓練咗聲線，講嘢可愛啲，對唱歌都有幫助，容易唱到高音。我同小朋友相處ok，我會笑佢哋嘅。」不過她指第一年做兒童節目時有很多顧忌：「 好多字都唔講得，『死』、『鬼』都唔得，例如『笑死我啦』都唔得！要改為『好好笑呀』，所以第一年同其他拍檔都好拘謹。」
去年Simon卻決定離開兒童節目組，繼續追尋她的歌星夢，她表示：「入行初衷係想唱歌，離開唱片公司之後參加《超級巨聲4》，之後入咗TVB做主持 ，好多謝監製，我離開TVB兒童節目嘅時候，佢都叫我唔好離開自己嘅夢想，好似啲Band自己有正職，都會為音樂堅持。」
事業心重的Simon坦言沒有時間拍拖：「有人同我講過，女仔唱歌壽命唔長，你擺啲咩嘢第一，你相對得到嘅就係乜嘢，我唔係一定要拖接拖嘅人，享受吓單身，情人節就約friend出嚟，我哋都要應節，要開心過有情人！我自己都係一個幾童話嘅人，希望初戀就結婚嗰啲，雖然好多人都覺得我好幼稚，但好過浪費時間拍啲唔適合嘅拖。」講到擇偶條件，Simon自言喜歡內地男生：「大陸嘅男仔好吸引，佢哋好有擔起頭家嘅獨立思想，好多時離鄉別井工作，感覺好man好照顧到我。」
場地:Partyland
----------------------------
東網巨星開咗ig喇，大家快啲follow啦！