黃和興@Zen撇隊友開騷：大家平時冇夾開

樂隊Zen主音黃和興以一頭紫長髮到將軍澳電視城錄節目《流行經典50年》，去年他以Zen身份錄影，今次則是一個人獻唱。近年主力負責籌備韓國流行音樂演唱會的他透露之後會推出個人作品，明年三月在旺角麥花臣開騷：「無論係以個人名義定係band身份都係第一次開騷，所以有壓力，個構思係喺香港未有人做過，唔止唱歌，仲會加埋視覺同聽覺，淨係視覺效果部分都要四個月時間去做。另外音樂班底方面都左右為難，好多朋友話想幫手，但我仲諗緊想要啲乜，驚得失朋友。」<br/><br/>問到為何不預埋隊友？他說：「我一個人都咁多嘢諗，而且大家平時冇夾開，舊年我哋夾一首歌都夾咗三星期，如果一個騷咪仲耐？不過可以之後再諗，公司唔會特別抗拒。」<br/><br/>----------------------------<br/>東網巨星開咗ig喇，大家快啲follow啦！<br/> https://goo.gl/KGuo2N <br/>