獲邀復出唱歌 蔡濟文謙爆:多謝畀面

20180602
東網電視
更多新聞短片
蔡濟文話大家太客氣呀!
無綫的《流行經典50年》掀起好多網友的集體回憶,因為好多已「消失」的樂壇歌手,都突然「出山」現身螢光幕表演,過吓歌癮,節目更造就一班80年末、90年代初的歌手聚首一堂,日前鄭敬基、何婉盈就分別在社交網上載聚會照片。
當中見到已退出樂壇的蔡濟文(蔡仔),蔡仔當年跟鄭伊健、鄭敬基合唱的《Home Alone》也熱播過。冇再唱歌的蔡仔幫屋企打理燈飾生意,長駐上海工作,蔡仔在2002年跟前無綫藝人陳珮珊結婚,兩人育有兩個兒子。據知不少圈中人曾邀蔡仔做嘉賓唱歌玩吓,但蔡仔都不為所動全推掉。
東網今日聯絡到蔡仔,對好多人邀他「復出」唱歌,他謙虛笑說:「多謝畀面先,大家客氣啫!(你最近點?)我幾好幾好,好耐冇見,所以嗰晚食餐飯啫,傾吓偈幾好㗎,其實以前真係幾開心㗎,諗番起有咁嘅經歷幾好㗎,又識到咁多好朋友,個感覺好真,冇花有假,廿幾年真係好開心,有機會再同佢哋食過。」