新合作方式　江美儀轉部頭約恨北上搵真銀

藝人江美儀及陳浚霆到大埔出席飲食節目發布會，江美儀表示專程支持由陳浚霆負責做主持的集數，並笑言：「我係仙女，去街市買餸梗係由佢呢啲街童（陳浚霆）負責。（你指揮佢？）唔好咁講，一陣又話我蝦佢。」問浚霆會否向美儀取經？他說：「去買餸撻佢個朵會買到好多嘢！」美儀笑言叫他要醒啲，發問應該問的問題，問到浚霆是否需要下廚？美儀搶答說：「如果有地獄廚房男版，佢應該係坐亞望冠！（見過佢煮嘢食？）唔使見，聽過佢阿媽講。」浚霆表示試過煲燶滾水及整奄列搞到廚房非常污糟，工人也投訴，他說：「我驚燒咗個廚房，都係唔煮啦！唔想美儀息影。」

講到近況，浚霆簽了跟美儀同一個經理人，有不少新工作，最近獲邀到泰國做節目：「好舒服，好似人哋畀錢我放假咁。」美儀表示8月完成TVB劇集後，將由藝員合約轉成部頭合約，她說：「樂小姐（樂易玲）直接搵我傾，半夜都解釋得好詳細。（價錢OK？）TVB不嬲對我唔錯，不過依家想轉一個新合作方法，我都想上大陸搵真銀，但又唔想離開TVB，TVB帶畀我好多嘢，都想保持良好關係。」