黃百鳴再演舞台劇 麥嘉讚口齒伶俐
20180611
東網電視
更多新聞短片
黃百鳴與麥嘉現身《一代天嬌》記者會。
資深藝人黃百鳴與麥嘉出席戲曲音樂劇《一代天嬌》記者會，黃百鳴在台上爆出老拍檔在80年代拍戲忘記台詞，幸好當年流行配音：「舞台劇冇得配音，演兩個鐘！不過呢套係麥嘉編劇，所以佢都記得嘅！（台上放貓紙？）千祈唔好，如果字幕出遲咗，咪擘大個口得個窿！」
而麥嘉大讚黃百鳴口齒伶俐，指他就讀中學時已經參與演話劇，認為演舞台劇與電影不同，對白一個字不能多亦不能少：「臨演出前要『默劇』，喺腦海中『默』晒成套劇出嚟。（臨場爆肚？）唔得，會連累到下一個演員。」他表示平日與其他演員在導演高志森的辦公室綵排，但強調與表演場地的氣氛不同，故需要在演出前實地考察。
此外，談到父親節如何慶祝，黃百鳴表示兒子日前為他誔下男孫，已經是最好的父親節禮物。提到預備甚麼禮物送給孫仔，問是否送樓？他說：「咁細個，留番大個先。今年真係喜事重重！（幫孫仔改名？）我阿仔已經改咗，叫黃希諾。」
----------------------------
東網巨星開咗ig喇，大家快啲follow啦！