為賺錢錯過阿女成長 黃心美爆爸爸哭訴

20180617
東網電視
更多新聞短片
黃爸爸為咗供四個女去外國讀書,要留喺香港賺錢,好心痛錯過睇住佢哋成長嘅時光!

藝人黃心穎有三個靚家姐,大家姐黃心美都係藝人,好多人都以為佢哋出生富裕家庭,不過今日心美趁住父親節,就講出鮮為人知嘅故事,自爆爸爸因為好心痛錯過佢哋成長而哭成淚人!

佢喺社交網上載四姊妹、姨甥女同爸爸嘅合照,留言話:「細個屋企好窮,一家六口住喺黃大仙一個二百幾呎嘅公屋單位,直至黃心穎出世先夠資格搬上居屋。咁多年嚟,靠我daddy養活一家咁多個女人。當年移民去溫哥華,為咗送四個女去讀書,我daddy留喺香港賺錢,賺每一分每一毫都寄晒去溫哥華。佢幾年前有一次成泡眼淚咁話佢最痛心係因為留喺香港賺錢而錯過咗好多睇住我哋成長嘅時光。我好知道,其實如果冇我哋四隻化骨龍,我daddy大可過好千倍萬倍嘅生活,但係daddy偏偏就係咁錫我哋,將一切一切最好嘅都俾(畀)晒我哋。既然我哋曾經失去咗好多相處嘅時間,我就更加珍惜每一分每一秒同你相處嘅時光,任何可以令你開心嘅事我都願意努力去做。Love you to the moon and back & happy father’s day dad!」依家四個女都咁叻,黃爸爸一定最開心!

而「生煎包王」蕭潤邦(Oscar)就行風趣路線,就連向爸爸示愛都一貫作風,仲用「呢條友」嚟叫爸爸!佢上載咗張爸爸倒立照,留言:「我識左(咗)呢條友37年,他一直以天跌落嚟當被冚既(嘅)態度做人做事,頂天立地,性格隨和,更有打不死精神,我喜歡與他創造奇蹟(迹),感覺真係太好!有今生無來世!豪!父親節快樂!祝大家父親節快樂」

----------------------------
東網巨星開咗ig喇,大家快啲follow啦!
 https://bit.ly/2JjSVcr