【買餸着成咁】徐濠縈斬叉燒賀老公三奪歌王

「歌神」陳奕迅（Eason）昨晚喺台灣舉行嘅金曲獎頒獎禮上，以專輯《C'mon In～》三度奪得歌王寶座，最後仲奪得年度專輯大獎，揚威海外！而佢太太徐濠縈得知喜訊後當然開心啦，今日仲去咗買叉燒等老公返香港慶祝。徐濠縈喺社交網上載咗去叉燒檔買叉燒嘅相片，仲留言：「斬料、斬料、斬大舊叉燒，賀賀佢，陳師奶，乖女。」<br/><br/>而一直走在時尚最前嘅佢，去買叉燒嗰陣嘅打扮都一絲不苟，挑選咗一件大露背裝出動，相當搶Fo！佢甚至拎住袋戰利品──叉燒嗰陣，都好似模特兒咁入型入格，真係潮爆！