東網電視
更多新聞短片
曉格蘭特自爆蜜月時一度被的士司機載走老婆！
1/2
荷里活型佬曉格蘭特（Hugh Grant）上月與拍拖6年女友Anna Eberstein結婚，二人婚後去到巴黎度蜜月，不過男方近日上節目就向主持Seth Meyers自爆蜜月期間有驚險事！他表示有一次同老婆搭的士時唔夠現金畀約60港元的車費，即時就叫司機車他到有得提款的地方，點知部機壞咗，個司機嬲爆想開車走，而Anna當時仍於車上！
曉格蘭特表示：「我（當時）驚慌失措，即刻就叫我老婆落車。我同佢（司機）講：『部機壞咗所以我哋先冇得畀錢！』而佢就『綁架』我老婆，佢車走我老婆呀！」雖然曉格蘭特講到咁牙煙，但就未有於節目上講埋二人最後到底點樣解決事件及甩身，他僅大嘆自己成日與巴黎的士司機嘈交。
上Seth Meyers節目講新婚生活。
