張敬軒唔覺容祖兒失戀：身邊有深愛佢嘅人

歌手張敬軒憑歌曲《缺》及《天才兒童1985》獲《2018勁歌金曲優秀選第一回》的歌曲獎，他透露早前與蘇永康及容祖兒到了東京看玉置浩二演唱會：「因為蘇永康有多張飛，我係臨時去，變咗三個人嘅局。（祖兒係唔係去療情傷？）我唔覺得佢療情傷，佢有時間就去日本食嘢，我同佢一齊相睇，即係相約睇演唱會，佢狀態幾好。（有冇八卦佢嘅戀情，佢係咪同劉浩龍復合？）唔會刻意問，佢開心就得，我話唔知係真話，冇所謂，佢都咁大個人，最緊要佢開心。佢嘅私人事我哋好少畀意見。（佢有冇同你講感情事？ ）想講就講。（同你講咗乜？ ）佢依家工作為重。（因為冇其他，只有工作？）唔係，佢依家幾開心。（唔覺佢失戀？）係囉，佢係被愛嘅狀態，有家人、身邊嘅朋友以及深愛佢嘅人。（有冇多咗搵你陪佢？）冇，佢本身好獨立，見佢好容光煥發。」

對於有指祖兒買入兩億豪宅，張敬軒表示有聽老闆提過，坦言並不出奇：「佢自己有實力，佢媽咪又係理財高手，我每次見到伯母都係喺銀行，佢去打簿仔，我就唱碎銀，伯母好錫佢，乜都親力親為，祖兒係識生金蛋嘅金鵝，伯母就投資有道，我有時會問伯母取經。（幾時到你買兩億嘅豪宅？）我有失憶同思憶。」

另外，談到巡迴演唱會，張敬軒稱仍未有計劃：「因為今次演唱會有降兩度嘅元素，但某啲宗教國家有規限，好似新加坡同馬來西亞就要喺形式同內容上有所改動，要入鄉隨俗。」

----------------------------

東網巨星開咗ig喇，大家快啲follow啦！

https://bit.ly/2JjSVcr