鄧麗欣認同王子拍拖:搞到我好熱

20180715
東網電視
更多新聞短片
恭喜Stephy!唔再Dry仲好Wet添。

34歲女星鄧麗欣(Stephy)與游學修到九龍公園為活動擔任大使,提到她憑電影獲邀出席第16屆紐約亞洲電影節,並獲頒「亞洲新秀獎」,Stephy表示開心及緊張。講到她與年輕6年的前棒棒堂成員邱勝翊(王子)拍拖,記者恭喜她事業愛情兩得意,Stephy承認戀情說:「恭喜我攞獎先啦!(係咪同王子拍拖?)感情事我想低調先,根據我過往經驗,感情係兩個人嘅事,但因為身為藝人變得好透明,但低調係想保護戀情。」

為愛甘做空中飛人

問到是否從4月傳出緋聞時開始交往?Stephy說:「畀啲空間我哋啦!(點樣遇上?)其實我哋識咗好耐,大家曾經係同門師姐弟,但當時就唔熟。(係乜令你哋熟?)都係朋友約食飯見面。(姊弟戀?)我又冇乜點睇,依家已經2018年。大家接受能力好高。」提到要做「空中飛人」才能見面,Stephy說:「我都飛好多呀,剛剛從紐約飛返嚟。(視像見面?)畀啲空間我哋啦!(好Sweet?)今日落雨,好Wet。(王子恭喜你拎獎?)有嘅。(嚟香港慶祝?)冇呀,因為我都忙。」記者再恭喜Stephy有拖拍,她即甜笑說:「多謝,搞到我好熱呀。」

事業愛情兩得意

另外,講到她早前在第16屆紐約亞洲電影節(New York Aisan Film Festival,NYAFF)中獲得「亞洲新秀獎(Screen International Rising Star Asia Award)成為首位獲得該獎項的香港藝人。她說:「好開心,但亦都好緊張,因為喺一個陌生地方,但作為第一個拎獎嘅香港藝人,覺得好有意義。(導演杜汶澤問你拎完獎未!)希望未啦,佢都好戥我開心,已經約咗食飯慶祝,唔知佢會唔會屈我請食飯,佢仲叫我小心個獎牌,因為佢整爛過一次!」

她又直言今次拎獎對她好重要:「佢哋好鍾意呢套戲,大會都鼓勵我叫我演多啲唔同角色。(英文致辭有進步?)係尊重場合,始終現場觀眾都係外國人,出發前已經準備啦。」

社交網前後腳放自拍

其實今日認愛前,Stephy都有更新社交網站,仲上載四張自拍照,相中嘅佢春風滿面,一時嘟嘴一時伸脷,仲留言話:「Good Morning #good morning#rainyday」真係風騷到暈!而王子亦似乎和應女友,接住喺社交網上載兩張自拍照,留言問粉絲邊張好:「Ok 自拍來了~選1or2」跟住王子仲意有所指咁標籤:「#左右為難#愛屋及烏#將心比心」有網民就猜測王子驚認愛之後,一班粉絲會攻擊Stephy,所以先man爆咁叫粉絲要愛屋及烏,要鍾意埋Stephy!