咁都撻着估你唔到！Lisa S.秘戀奧斯卡影帝

娛樂圈俊男美女多不勝數，真係點配對都得！不過當中都有「估你唔到」嘅配搭，明明兩個人唔同國籍、身份地位懸殊，但最終又撻得着喎，真係印證咗咩叫愛係無分界限。<br/><br/>係人都知名模Lisa S.個老公係超級型男吳彥祖，但原來Lisa S.嘅前男友仲勁，佢就係奧斯卡影帝艾哲倫保迪（Adrien Brody）！Lisa S.大方承認約20歲時同過艾哲倫保迪拍拖兩年，當時佢喺紐約定居，經朋友介紹下認識對方，不過戀情最終因為男方要到洛杉磯發展而告終。<br/><br/>另一個估佢唔到嘅例子就係藝人謝婷婷，2016年12月佢被爆出同美國男星「鷹眼」謝洛美維拿（Jeremy Renner）撻着，事關佢喺社交網上載兩人互動嘅短片，而事後婷婷亦未有否認戀情，言談間仲對男方行蹤瞭如指掌，佢講過「鷹眼」有叫佢承認戀情，不過奇就奇在舊年婷婷突然轉呔唔認二人拍拖，關係變得撲朔迷離。