李君妍榮升新手媽媽 質程浩駿飲榴槤奶
20180802
東網電視
更多新聞短片
「翻版Kelly」李君妍與程浩駿及麥凱程拍短片直擊BB心態。
由「女神」李佳芯主演嘅無綫電視劇《BB來了》反應熱烈，深受大眾歡迎，話咁快今個星期就大結局，See See TVB為應結局篇搵咗有「翻版Kelly」之稱嘅小花李君妍、藝人程浩駿及麥凱程拍咗條短片，由李君妍飾演新手媽媽，而程浩駿就扮演大BB，以搞笑演繹帶出BB心聲，同埋現今世代嘅人點樣照顧BB。
其實BB心事，有誰共鳴呢？先講近年趨向主張餵人奶，不過現實中又有幾多位媽媽真係咁忍得口，唔會亂咁食嘢？片段甫開始，李君妍就餵程浩駿飲奶，不過佢就耍手擰頭唔想飲，話啲奶有榴槤味：「咁都叫奶？又要學人餵人奶，又要亂食嘢，仲有榴槤味，濕濕熱熱咁，邊個飲呀？」不過佢最後都頂硬上飲咗支榴槤味嘅奶，因為現實中嘅BB的確冇得揀。
之後講到依家科技發達，大部分人都成為電子產品嘅奴隸，片中「BB」程浩駿就扮扭計要玩平板電腦，其實係想沒收部機，等爸爸、媽媽多啲時間同自己玩，相當有意思！有網民睇完都紛紛留言，指雖然段片係充滿娛樂性，但從中帶出正面育兒資訊，支持See See TVB拍多啲呢類型嘅片。
網民有話兒
Txxxxny xxxxg：好同意餵人奶就要付出 做人唔可以咁自私
Fxxxx xg：睇咗十次 有趣又有意思！
Exxxxd Lxxxg：君妍正呀！
Caxxxx xu：如果BB識講嘢都係講呢啲 hahahaha
----------------------------
東網巨星開咗ig喇，大家快啲follow啦！