東網電視
更多新聞短片
袁偉豪唔覺余德丞身體有問題。
1/5
無綫藝員袁偉豪與張曦雯在中環出席活動，提到余德丞踢波時突然暈倒現仍昏迷，最近與余德丞合作拍新劇《鐵探》的袁偉豪表示：「前兩日先同佢開工，余德丞係我劇裏邊面嘅隊員，知道佢入咗醫院，今朝起身訊息群組啲人已經有講，好突然。（去醫院探佢？）今晚我都要開工，我覺得用個心支持，因為去到又未必做到啲咩，亦唔想打擾佢嘅家人。（話佢情況危殆？）係好擔心。」
有指余德丞近日拍攝一場喪生的戲份，沒有獲劇組送上利是，巧合地跟隨發生意外，袁偉豪說：「場戲係好耐之前的拍，係我爸爸過身之後，我復工拍嘅第一場戲，唔好將兩件事放埋一齊講，意外始終係意外。希望佢可以度過呢個難關，佢又咁後生，仲喺大家心目中嘅男神，希望佢可以過到。（佢拍動作戲身體狀況點？）佢畀我嘅印象係好健康，又曾經係香港泳隊，又冇咩壞嗜好、又唔飲酒， 所以好突然，我哋依家做到就係為佢打氣或者祈禱，精神上畀力量佢。（拍劇唔夠休息，身體出問題？）唔多覺，因為我哋呢一組時間好OK，但我唔知佢同時間有冇其他工作做緊，呢方面我就唔清楚。」
張曦雯與余德丞未合作過，但因為蔡思貝是共同朋友，也因而有接觸，她說：「蔡思貝尋日都有同我講講去咗醫院睇佢，希望大家畀多啲正能量佢，我相信佢一定會醒番，因為佢都好健康。（余德丞狀況係點？）蔡思貝啱啱講係Stable，所以雖然大家擔心，但係唔好唔開心，大家正面啲。」
----------------------------
東網巨星開咗ig喇，大家快啲follow啦！
袁偉豪話余德丞冇咩壞嗜好。
張曦雯（左）、袁偉豪
張曦雯希望大家畀多啲正能量。
集氣呀！
