東網電視
更多新聞短片
堅係搵命博。
1/14
藝人羅浩銘在無綫新劇演一名特技人，曾有四年同類工作經驗的他坦言演出時更加得心應手。回顧特技人生涯，他傷痕纍纍，曾因拍攝爆破戲燒傷大腿，留下永不磨滅的烙印。
羅浩銘（Ken）精通各種武術，做過四年特技人，曾參與多部動作電影工作。他在電影中經常挑戰高難度危險動作，例如飛車、吊威吔、打鬥、爆玻璃、被火燒等，直言每次都是新挑戰，可說是搵命博：「呢份工危險性一定有，我哋會用最安全嘅方法去做，不過意外永遠係估計唔到嘅。我試過斷手指、被爆破燒傷大髀，三級燒傷至今留下疤痕。」他坦言初期的特技人沒有太大保障，直至錢嘉樂擔任「香港動作特技演員公會」會長後，才爭取到令特技人這個工種較易購買保險。身為特技人要周身刀，掌握不同類型的技能，他說：「揸車、電單車、開槍、耍劍、跆拳道、武術，甚至踩板，真係乜都要識，咁先做得夠全面！」
棄用替身嚇破膽
Ken參演無綫新劇《特技人》，可謂戲如人生，他說：「我做過特技人、龍虎武師，今次身份係演員，所以演出時要懂得執生，走位都會比較熟同敏捷啲。」提到最深刻的經歷，Ken憶述導演安排他由三樓吊威吔躍下，而他堅持親身上陣：「去到現場先發現工業大廈三樓，因為樓底比較高，其實有約六樓咁高，好在最後勇字在心口，有驚無險順利完成。」戲中他與譚俊彥、林師傑、朱晨麗有對手戲，大家合作得相當愉快。
----------------------------
東網巨星開咗ig喇，大家快啲follow啦！
做過四年特技人，曾參與多部動作電影工作。
Ken覺得咁樣先至夠全面。
有經驗嘅Ken都搞到周身傷。
朱晨麗及譚俊彥等主演的《特技人》，道出行內人的辛酸。
燒傷永留烙印。
想做特技人，首要條件係周身刀。
雖然每次拍危險場面都會度好用最安全嘅方法去做。
新劇演番特技人，Ken笑言真係戲如人生。
雖然拍劇有不少驚險場面，但Ken堅持親身上陣。
揸車、電單車、開槍、耍劍、跆拳道、武術等，真係樣樣都要識。
不過意外真係冇得防。
特技人呢份工，膽量細啲都唔掂。
手指骨折。
