同特奧運動員鍊過　SM大敗之後讚個天！

樂隊Supper Moment（SM）成軍12年終一圓夢想，將於11月舉行首個紅館演唱會，正積極備戰的他們不忘社會責任，早前特意抽空，參與由保險公司及香港特殊奧運會（特奧）合作宣揚社會共融的CSR計劃，更為新作《橙海》拍攝特別版MV，傳遞 Play Unified 的訊息和精神！<br/> <br/>鏡頭後打成一片<br/><br/>為了今次特別版MV，SM日前特別到籃球場取景拍攝，期間跟多名特奧運動員比試籃球和地板曲棍球，鏡頭前大汗疊細汗玩得投入，四子鏡頭後亦跟一班特奧運動員打成一片，不時請教對方地板曲棍球的秘訣，面對運動員索簽名及合照，四子也無任歡迎。<br/><br/>輸得心服口服<br/><br/>初次試玩地板曲棍球的SM膽粗粗挑戰特奧運動員，但任憑四人如何落力，最終仍是難逃大敗，他們直言輸得心服口服，還自嘲：「個天安排得好啱，我哋都係做番音樂好喇！佢哋（特奧運動員）實在太犀利，有好多戰術，好有默契，一個眼神就知道點走位，我哋都有嘗試努力爭取入球，但真係好困難，可能我哋天分都放喺音樂上。」不過，他們強調贏輸並不重要，最緊要是享受過程：「其實我哋自己都有隊籃球隊打比賽，戰績係兩勝，七、八場負，但我哋都冇唔開心。」<br/><br/>瞓覺同玩音樂減壓<br/><br/>提到《橙海》這首歌，主音Sunny指歌中的一句歌詞，正有着對美好未來的憧憬:「呢首歌有一句好啱，就係話『未來是一幅畫布，請繪上色彩』，希望畫布上係咩顏色都有，呢個先係美好世界！」不少香港人壓力爆煲，運動固然是個絕佳減壓方法，但SM原來自有一套「紓壓良方」！他們認為最重要是能將心扉打開、感受生活：「我哋只要將事情睇輕啲就得！最重要係活在當下，多啲欣賞身邊嘅一事一物！而瞓覺同玩音樂對我哋嚟講都係減壓嘅一種。」<br/><br/>----------------------------<br/>東網巨星開咗ig喇，大家快啲follow啦！<br/> https://bit.ly/2JjSVcr <br/>