為比賽增磅！何慈茵越級挑戰拳手

藝人雨僑表妹、中英混血兒何慈茵自5歲開始習洪拳，早前曾參加ViuTV格鬥節目的她，將於本月31日參加全港青少年搏擊大賽暨SHOOT BOXING外卡專業賽，屆時東網將會直播晚上7時後的賽事！

何慈茵表示今次是首度正式參與公開賽，但沒有上次參加格鬥節目般緊張，因不用兼顧MMA的地戰，只需在Kick Boxing技巧上鑽研。她又特別增磅至53Kg，準備對戰拳手羅詩婷：「因為我本身磅數配唔到對手，所以要努力食嘢增肌、打上一級，知道對手比賽經驗豐富過我好多！（有冇特別辛苦嘅時刻？）我本身做健身教練，體能需要好大又早出晚歸，加上最近拍內地網絡電影，試過連續一星期拍攝，所以少咗時間訓練，但我寧願少啲休息都要去操！」問到有否信心勝出？她坦言參加都想贏：「自己好勝心好強，下半年會參加多啲比賽，提升實戰經驗同技巧。」