東網電視
更多新聞短片
係型嘅！
1/3
歌手洪杰（Alex）日前為桌球酒吧活動擔任中英雙語司儀，有幸與偶像兼世界級桌球手Jimmy White打3鋪波，Alex興奮說：「我細細個就聽爸爸講起佢，見到佢就好似鍾意踢波嘅人見到碧咸同C朗咁，激動、緊張、開心！佢好好人，主動同我講應該點打，我打錯又會同我講番，直情好似老師一樣，真係美夢成真，畢生難忘，係畀錢都買唔到嘅經歷。」
他坦言不時上網睇偶像的片段，又自爆非常喜歡打桌球：「我有自己嘅私家Cue！（技術點？）我曾經喺一間桌球室搞嘅評分賽攞過亞軍，用我學Jimmy White嘅低Cue扯白波後，打低咗唔少高手！我諗過做職業桌球運動員，但係太難啦，都係乖乖哋唱歌算啦。」
工作方面，Alex透露近來司儀工作比較多，農曆新年就會到美加登台：「最近同一位音樂人兼歌手合作創作歌曲《KRYPTONITE》（暫名），我哋將1分鐘嘅版本放咗上網，之後仲用咗3日拍MV，朋友睇到都讚好。」提到被誤會簽了新公司和找到「水喉」，Alex坦言因為MV用了很多心機拍攝：「冇人信個MV淨係兩個人做到出嚟！新歌嘅歌路同曲風好配合我嘅形象，同過去10年大家認識嘅洪杰完全相反，請大家拭目以待。」
好鍾意篤波！
有得同偶像打波，真開心。
