長期欠債！組合Myar「消失」五年重新出發
20180903
東網電視
更多新聞短片
咁都唔放棄，佢哋真係好鍾意音樂。
唱作組合Myar在2013年成立，但出道不久就與前公司發生合約糾紛，並被對方「封殺」幕前，事件擾攘了五年終於告一段落，成員朱敏希（KW）及崔可迪（Lucas）最近簽約
新公司重新出發，並帶來新歌《向青春說Sorry》。他們坦言這五年算是低潮，苦笑謂希望不要再有更低，但期間他們一直沒有放棄做音樂的夢想，亦有做兼顧幫補生計及支持做歌的費用，KW表示：「近呢一年我哋喺台灣直播app搵錢做音樂，之前都不斷搵唔同方法搵錢，例如搬運、做sales。」
問到他們之前生活可是捉襟見肘，戶口剩餘很少錢？Lucas笑言戶口長期得兩、三位數，KW則笑言：「咁多呀？我戶口係負，因為其實係有問屋企人或朋友借錢，因為有好多使費，收入未及支出。（借幾多？）都係幾千。（有冇還？）當然要還啦，依家仲還緊。（有冇孭到成身街數？）咁又冇成身街數咁慘嘅，我啲朋友同屋企人都好支持我哋，知道我哋苦處，所以都好幫忙。」問到家人或好友可有勸他們放棄音樂，正經打份工？Lucas表示：「又冇喎，可能佢哋聽過我哋啲歌係OK，所以都支持。」對於現時可以正式出道，他們坦言終於自由，可以盡情做想做的事。
提及新歌，KW表示歌曲在打官司期間寫：「覺得我哋青春好似所剩無幾，好多嘢想做但又做唔到，好似畀前公司浪費咗好多時間，所以我哋想寫首歌向青春道歉。（覺得之前五年係浪費時間？）又唔係完全浪費嘅，呢五年係成長同歷練，某方面可能會係好事添，身心會磨練，起碼都唔會再遇到更糟糕嘅事，同埋呢五年好多事都要親力親為，識咗好多嘢同好多人，係有失必有得。」
----------------------------
東網巨星開咗ig喇，大家快啲follow啦！