東網電視
更多新聞短片
兩邊兼顧其實好難。
1/6
90後樂壇新人蘇菲推出首支歌曲《新角色》，提到入行經過，她表示大學畢業後去了銀行工作，期間一直有與朋友夾band，直到一次機緣巧合，能夠入行做歌手，她坦言：「其實唱歌係我一直都好鍾意，但冇諗過會將佢變成事業，所有都係緣分，天時地利有呢個機會畀我嘗試。」她坦言家人及身邊朋友都很支持她入行：「佢哋比我想像中更加支持，發覺入行做歌手後同爹哋媽咪話題仲多咗，佢哋會留意我啲報道，每次見到都會影低send畀我，覺得關係仲close咗，朋友都會成日同我打氣。」
但講到現時做歌手難賺錢，蘇菲表示：「好幸運，屋企人冇畀負擔我，畀我做鍾意做嘅事，我未入行前都有玩開音樂，都知支出唔少，但一直覺得冇問題，因為係我鍾意嘅嘢。」她亦謂現時仍有在銀行工作，故有穩定收入支持音樂夢，但講到要兼顧銀行工作及唱歌，身為澳門人的她又不時要來港宣傳，她表示：「銀行嗰邊都好支持我，暫時兩邊都兼顧到，可能係犧牲咗啲娛樂或瞓覺時間，但都值得嘅，同埋時間都係自己安排，所以暫時都OK。（會唔會轉做全職歌手？）如果有呢個機會，更多人鍾意聽我唱歌，當然係好啦，但現階段我都係努力做好自己先。」
而問到可擔心現時才入行遲發力？蘇菲坦言：「其實都有驚㗎，始終女仔嘅青春好短，但依家唔一定係要好青春少女，好多依家唱緊嘅歌手都唔係話18、22歲就入行，我覺得人生歷練多啲，演繹一首歌情感上會有唔同味道，覺得唔同階段有唔同路線，同埋呢個都係天嘅安排，我前幾年未有機會，到依家有機會我都冇話唔會去嘗試。」
化妝：Carmen @ Kim Maza Styling
髮型：Vika @ Kim Maza Styling
----------------------------
東網巨星開咗ig喇，大家快啲follow啦！
好彩父母同朋友都好支持蘇菲。
雖然遲咗入行，但係蘇菲唔太擔心。
未入行前都有玩開音樂。
因為經歷多反而對演繹歌曲仲有幫助。
所以蘇菲知道靠音樂搵錢好難。
