咁驚！鄧麗欣點解要同王子保持距離？

藝人鄧麗欣（Stephy）出席電影慶功宴，講到早前與男友邱勝翊（王子）於尖沙咀拍拖，回程返大埔香閨時更於車上頭貼頭，相當癡纏！問會否情不自禁當街錫錫？Stephy即耍手擰頭話不會，又指二人出街習慣保持距離，即使公開了戀情，都不會公然高調：「喺香港始終都會覺得有好多人望住，出埠去旅行可能好啲。（所以就會着埋情侶衫？）以後都唔着啦，哈哈！（驚畀人笑？）唔係，我都好少着，只不過係嗰次，咁啱係佢個品牌啲衫，可以着嘅。」<br/><br/>提到若以情侶檔工作就可公然放閃時，她甜笑話：「有機會先算，暫時未有人搵。（但會接受？）都要睇吓咩性質，都唔想太刻意，真係適合我哋先考慮，例如拍戲、品牌代言，搵錢至上！總之唔刻意啦，驚大家睇得多都厭！」<br/><br/>----------------------------<br/>東網巨星開咗ig喇，大家快啲follow啦！<br/>　https://bit.ly/2JjSVcr