何超蓮個「BB」得獎：好感動！

賭王何鴻燊三房千金何超蓮於尖沙咀一間酒店出席晚宴並獲頒「2018 Australia’s Leading New Hotel」，提到其主理位於澳洲珀斯的家族酒店項目得獎，她坦言很感動：「一向都話酒店係我BB，好感動！媽咪知道，好認真幫我襯衫，呢對耳環係佢幫我襯。（媽咪唔來？）太夜喇，佢好早瞓。」她透露酒店裝修是媽咪陳婉珍的意見，亦是其三房大宅的室內風格。問到是否經常澳洲、香港兩邊走？她表示三個月飛一次，而每周要電話會議開會。<br/><br/>提到同時兼顧酒店及牛肉麵店生意，時間會否難分配？她直言：「OK嘅，要有時間點都可以。（屋企仲有冇生意要承接？）三姊弟妹各有各做，最緊要交到成績。」超蓮還透露將開設甜品店，希望推出好食兼好睇的蛋糕，最近密密試食籌備，笑言肥胖不少：「所以呢排成日話要減肥！（為開甜品店好大犧牲？）又唔係，我本身鍾意做運動，好似wakesurfing、跑步、行山，依家日日要burn fat！」另外，提到將殺入美食博覽搞攤檔，她表示仍在籌備當中，為了響應環保，仍洽談有關包裝的事項 。