靠副業維生！FreshLife唔理家人反對組Band
20180907
東網電視
更多新聞短片
佢哋都係向住夢想進發嘅人！
樂隊FreshLife推出首支歌曲《FreshLife》，主音謝偉倫（Alan）聯同Bass手Logout及鼓手Nick受訪，結他手Vincent未能到場。他們於去年組成樂隊，Alan表示本身認識Vincent，機緣巧合下透過社交平台再認識埋大家，Logout表示：「因為有啲訪問我哋認識咗大家，但冇乜特別聯絡溝通，直至一場騷大家就Confirm想一齊夾下嘢玩。」他們表示四人組成後其實未打算一起夾Band，只是因為Alan要做個人騷，其他人就幫手演出，到後來有組織想他們寫歌，四人就一起做音樂，從而組成了FreshLife。
之前身為歌手的Alan指組成樂隊期間，自己衝破了一些人生關口，例如失業及工作上的衝擊，問他為什麼會突然轉做夾band？他坦言：「其實之前想做好耐，但仲搵緊人，由去完《中國新歌聲》比賽後已經諗如果唔唱歌、唔夾band可以做啲咩，如果再玩音樂又究竟點樣走落去，但到最後冇辦法，真係鍾意玩音樂，又咁啱搵到佢哋。」但他坦言家人不支持他玩音樂夾band：「但係知我做咩嘅。（會阻止你？）又唔會，阻唔到，我都咁大個。」
身為獨立樂隊的他們坦言是自資出歌，預計今年至少投資6位數字，問到可感肉赤？他們表示：「嗰種赤係開心、值得嘅，但都會擔心。（擔心回唔到本？）回唔到本就梗㗎啦，只係唔好輸得咁快，大個仔使錢都要為現實諗諗，唔好使完之後食唔到飯做唔到下隻歌。」他們坦言有做副業支持夾band，笑言否則生存不到，副業教學生音樂的他們亦自爆為樂隊減了學生，問到有錢不賺可感揼心？他們坦言：「衡量過嘅，覺得呢刻賺少啲但可以做到好音樂都值得，依家係做緊鍾意做嘅嘢。」提到今年工作大計，他們希望年尾出EP，及想舉行小型音樂會。
----------------------------
東網巨星開咗ig喇，大家快啲follow啦！