唔認同馮盈盈「公廁論」 朱潔儀:肉酸!

20180914
東網電視
更多新聞短片
朱潔儀(左)話馮盈盈個「公廁論」好肉酸呀…

前港姐朱潔儀得知馮盈盈在節目中大談「公廁論」而感到驚訝,她說:「冇聽過人哋咁講港姐,邊度聽番嚟?咁肉酸㗎!以前選美時,啲總監教我哋做港姐要慎言。」其後她表示冇睇該集節目,不方便評論:「不過唔應該宣揚唔真實嘅訊息,因為好多女仔參選港姐真係為咗學嘢,電視嘅威力好大,會影響下一代,有人會跟你、會學。」

同樣是港姐冠軍的陳庭欣,被問到可會覺得「公廁論」貶低港姐形象?她說:「其實係節目效果啫!佢哋每集都有個主題,盈盈嗰刻係以主持心態去講,冇保留、夠貼地啫,呢個節目向來話題都會誇張啲啦!(說話冇問題?)唔論到我話啦,呢個節目係錄影,有好多人睇過,包括監製等審批,佢哋話出得就OK啦!(你會好似佢有咁爆嘅言論?)我哋年紀大,爆既能力冇咁強,不過我哋《東張西望》都好多爆點,大家不妨留意吓,想當年我講食燈籠、玩月餅都唔夠人爆添!」