Fabel撈過「副業」勁心虛

20180919
東網電視
更多新聞短片
Fabel出道七年喇!
電子音樂組合Fabel出道七年,一直於樂壇路上默默耕耘,其中成員LoLo就自爆做歌手之後因為收入不穩而需要搵兼職,不過又坦言由去年開始冇再做,有幾個月都好有壓力,幸好現時都做到收支平衡︰「覺得生活搞唔掂,好心虛,我仲要擔心夢想?覺得夢想呢個詞語並唔係一面向正面,呢個字都可以累到好多人,所以大家去檢視咩叫夢想都要考慮多方面。」
講到副業,Jimmy笑話除了接Freelance幫其他歌手做歌之外,另一份無收入的「副業」就是幫人占卜︰「最近都有好多朋友搵我解釋佢哋嘅情史,都有人話都可以用占卜搵錢,以前會覺得唔適合,但呢排覺得又唔未嘗不可。」收入不穩屋企人有微言?他笑言都沒有,不過就會設定一個「限期」︰「呢條線啱啱踩界,佢哋冇講啲咩叫我收工。」身旁LoLo聞言都不禁笑話自己的「界線」都過了好耐,屋企人一直都有微言︰「但明顯知道佢哋係為我好,唔想我辛苦。」