孖張建聲做賊　張松枝為戲手臂瘀晒

藝人張建聲、張松枝在銅鑼灣街頭派印製成戲飛的「錢」宣傳新片《無雙》，兩男受訪時笑言派「錢」好開心，講到戲中兩人都演賊，張松枝表示有危險場面：「其中一幕係我企喺架車隔籬開槍掃射，做好安全措拖就唔好睇，所以我夾硬嚟，企喺度用手臂夾住車頂嘅架，拍完之後成隻手臂都瘀晒。」他又分享一件趣事，指之前有個學生睇完電影優先場後問：「佢問我係咪冇檔期去泰國拍戲，點解泰國啲戲份唔見我，但其實我喺嗰度係最多戲。」

張建聲就笑住補充：「其實佢係喺嗰度，仲要好用力演，但因為佢笠咗頭套，又戴晒太陽眼鏡，所以冇人認得。」記者打趣說既然笠頭套就可以不用親身上陣拍，他們即表示：「唔得！我哋啲肢體語言冇人學到，用眼神做戲。」張建聲亦難忘有場爆炸戲威力很大：「我哋坐喺架車度，爆炸一完我諗住擺個Chok樣就得，但Bomb一聲，我哋已經離好遠，但熱力仲好勁，我震一震、捉住松枝隻手。（你哋冇事？）冇事，我哋離好遠，係個熱力湧埋嚟。」他亦笑言在泰國及加拿大拍戲時，得閒就遊山玩水，亦難忘今次可以與周潤發及郭富城兩位影帝合作。