被封溝女王 張建聲：大家正常社交
20180924
東網電視
更多新聞短片
張建聲被指曾搭上蕊蕊（右）和「美女學徒」的洛兒。
有報道指藝人張建聲與陳嘉莉分手後，化身溝女王，曾搭上蕊蕊和「美女學徒」的洛兒，並指他與蕊蕊曾共遊馬爾代與上海，又一齊學潛水及慶生。張建聲受訪時表示：「我同蕊蕊、洛兒係朋友，大家正常社交。報道嘅嘢唔係事實，唔回應。」
蕊蕊否認拍過拖
至於蕊蕊亦同樣否認：「冇拍拖，我同佢識咗好耐，但大家冇單獨出嚟，每次都係一班朋友。」她表示從未去過馬爾代夫：「我都想去，未去過。去上海係工作，我哋一齊出席同一個活動。我哋係有一齊學潛水，因為大家係跟同一個教練，至於慶祝生日，只係撞正學潛水嗰日係我正日生日，所以潛水教練同同學一齊幫我慶祝。」
「我冇乜留意佢」
蕊蕊指不覺被對方追求，問到若對方有行動可會拒絕？她說：「我冇諗過呢個問題，事業為重。（有冇追求者？）有，但佢一定唔係其中一個。（覺唔覺得佢係溝女王？）我又唔覺，佢都冇追我。有時一班朋友出嚟，都唔覺佢會對啲女仔點樣，可能我冇乜留意佢。」
----------------------------
東網巨星開咗ig喇，大家快啲follow啦！