新片騷肌！郭浩皇仲要玩HeHe

藝人郭浩皇（Alex）日前出席內地網絡電影記招，表示電影10月中會開拍，當中他飾演男主角，電影講述他為維護晶片，與惡勢力鬥智鬥力的故事。記招上他和其他演員即席上演一些觀眾提議的情景，例如其中一個情景是第二男主角跪在他面前，他笑言：「係講我哋搞gay，都幾好玩，氣氛都唔錯。」Alex亦透露電影入面有打鬥場面：「有一場會同其中一個女主角打，當中會打輸畀佢，但佢本身係一個詠春高手，所以我都驚㗎！但我本身都識跆拳道，以前喺加拿大學到紅黑帶，最近都會鍛煉番少少，希望動作場面會豐富少少。（使唔使騷肌？）要呀，雖然我唔係好大隻。」