同林正峰拍親密戲 菊梓喬有初戀感覺
20181002
東網電視
更多新聞短片
菊梓喬同林正峰有親密戲。
歌手菊梓喬（Hana）到電台宣傳新歌《只想與你再一起》，表示MV與《#後生仔傾吓偈》的林正峰合作，入面有互望、靠近的親密場面，但就沒有錫錫，有初戀的感覺。31歲的她指大過對方多年，問到現實中可接受到姊弟戀？她說：「覺得愛係冇分界限，真心鍾意就可以一齊。（有冇試過姊弟戀？）又冇。（鍾意成熟型同嫩口？）冇分，睇你哋夾唔夾㗎咋，有Feel就得，有時可能同咗佢一齊但佢係冇你嗰啲條件。」
現時她的感情生活則是一片空白，大呻冇人追：「如果有人追都可以考慮吓，我異性緣都唔係特別旺盛。」但她就謂不心急拍拖，想先專注事業：「到Deadline先算。（幾時？）4字頭，到4字頭先搵個人，如果到4字頭都冇就會特登出去搵，例如相睇。」講到她童顏，40歲都應該睇不出，她說：「近排有朋友Send畀我睇，有啲網友話我中女扮少女。（嬲？）唔嬲，初出場嗰陣會有啲，但依家冇所謂，咩都聽過，其實中女好正常。」她又透露歌曲《忘記我自己》MV瀏覽達1千萬：「啱啱好1年，我都覺得好犀利，人生有一個1千萬，代表我都為香港樂壇留下一啲印記。（點慶祝？）遲啲會同粉絲玩抽獎，可能送啲簽名相畀佢哋。」
----------------------------
東網巨星開咗ig喇，大家快啲follow啦！