越南翻拍《延禧》?高貴妃變性激似蕭敬騰

香港時間
2018年10月10日(三) 13:26
東網電視
更多新聞短片
大家做好心理準備未?
1/14
大陸宮鬥劇《延禧攻略》紅遍東南亞,早前越南就有網站偷步更新未播出嘅集數,如今竟然傳出越南會翻拍《延禧》添,主角嘅試鏡照更喺網上曝光,迅速引起網民激烈討論,當中有啲仲相當驚嚇!
越南媒體《Theanh28》喺facebook貼出多張原劇角色同越版演員對比照,當中神韻同樣貌最似嘅應該係「魏瓔珞」吳謹言及「乾隆」聶遠,網民都高呼似足雙胞胎!而越版「嫻妃」佘詩曼、「富察皇后」秦嵐及「純妃」王媛可、「爾晴」蘇青都係相當有氣質同霸氣!不過點少得「傅恒」許凱呢?雖然都有幾分帥氣,但似就唔係好似,但網民評語都相當留手,因為好戲在後頭!
有初戀臉之稱嘅「明玉」姜梓新同「高貴妃」譚卓先係焦點,皆因兩個角色同原版截然不同,雖然Halloween仲未到,但網民話詭異程度勁過玩鬼屋,完全唔敢睇,直嘲:「根本是男的!」睇落高貴妃仲激似蕭敬騰同郭敬明添!
雖然只係傳翻拍,但《延禧》製作人于正已立即喺微博留言:「然而版權並未售出~」
先嚟啲比較好評嘅有「富察皇后」秦嵐!
網民仲讚越南版「魏瓔珞」同吳謹言一樣好甜美!
太監「李玉」同劉恩尚(左)身形及樣貌都脗合!
仲有譚卓飾演嘅「高貴妃」……網民都話好詭異:「根本是男的!」
《延禧》製作人于正回應翻拍傳聞「版權未售出」。
「嫻妃」佘詩曼!
「爾晴」蘇青,呢幾位都相對正常,而且都有氣質,同原版都幾match!
而瘋靡萬千少女兼媽媽嘅「傅恒」許凱就變咗咁嘅樣…
三胞胎?郭敬明(左)及蕭敬騰(右)。
「純妃」王媛可…
男角色方面,「乾隆」聶遠同越版都似雙胞胎!
不過,最「驚喜」嘅係明玉…
網民留言!