星級評判阿葛欣宜　奉旨搞搞震Yummy！

ViuTV深受家庭觀眾歡迎的真人騷《小煮角》載譽歸來！一班細路化身小廚神，經過五花八門的廚藝技巧培訓，在連場比賽中互相比試， 誓要爭一席位，衝出香港，在鄭欣宜、葛民輝食住見證下，成為真正的冠軍「煮角」。

全新一輯《小煮角》將會在ViuTV隆重登場，今次有全新玩法， 請來曾擔任主持的兩位專業級廚師楊尚友（Christian）及蔡家富（Gabriel），這兩位風格完全不同的廚藝高手各自率領3位小朋友，傳授他們煮食技巧，一較高下，加埋主持張錦祥（Ricky）及一班星級嘉賓鄭欣宜、葛民輝、甄文達等做評判，誓必有一番龍爭虎鬥，最後兩強小朋友更獲安排到台灣的法國巴黎藍帶廚藝學校進行廚藝交流，爭奪《小煮角》冠軍寶座。

細路嗅覺分辨鹽糖法

六位小朋友為爭取首輪入圍，各施各法，又有創意又可愛，各人的獨特煮法已令三位評判大開眼界！其中一位小男生話靠鼻聞就能分到糖或鹽，另一小朋友則調製一種自稱「冇人Say No」的醬汁，但因時間緊迫，有人未煮熟食材，亦有人忘記落調味料，倒瀉籮蟹，甚至未開始煮就緊張得在鏡頭前爆喊，但煮食時認真的態度又非常可愛。

甄文達醒你入廚小貼士

正式比賽時，ViuTV邀請一眾明星嘉賓葛民輝、鄭欣宜、江若琳、吳耀漢和吳嘉龍父子檔、陳志雲等參與試菜，他們還有特別任務，在小朋友煮食期間走入廚房作出騷擾，藉此考驗小廚師面對突發情況的表現，有一組因阿葛的出現而大亂陣腳，難度真的就此輸掉？其中一集主題是意大利傳統食物Gnocchi，就請來自認「食神」的欣宜做嘉賓，除了鍾意食，還有自家的曲奇餅店，但原來對煮食一竅不通，所以她大讚幾位小朋友煮得出色！飲食節目又點少得始祖甄文達，他在節目中大教「18秒起雞骨」等，又與名廚Christian及Gabriel大教廚藝貼士，跟一班小朋友互動，務求在最短時間內將小朋友變成終極「小煮角」。