新婚森田剛孖宮澤理惠亮相囡囡運動會

45歲日本影后宮澤里惠，今年3月與39歲尊尼男團V6成員森田剛再婚後，人前人後都十分恩愛，森田剛更視里惠與前夫所生的女兒如己出。今月初，兩人孖住現身出席囡囡所讀的私立小學運動會。當日兩人襯晒齊齊穿上黑衫示人，雖然戴住太陽眼鏡，依然星味十足。首次以爸爸身份亮相運動會的森田剛，一現身就吸引現場女學生埋身要求握手，森田剛亦有求必應。他與里惠坐在觀眾席為囡囡打氣，又不時用手機拍下囡囡比賽的相片。

該小學有不少圈中人子女就讀，森田剛的同門大師兄東山紀之同老婆木村佳乃，當日上午亦有現身學校的運動會為囡囡打氣，同場仲有染谷將太亦同老婆菊地凜子。