Lokman唔畀狄以達做Dancer　怕被搶風頭！

ViuTV選秀節目《Good Night Show全民造星》的冠軍明晚揭盅，最後十強今日進行拜神儀式，其中被表演嘉賓釗峰、好友狄以達睇好的參賽者Lokman受訪時，謙虛指都好感激二人的支持，更自爆婉拒狄以達自薦做Dancer的好意：「佢話如果喺自選環節我有需要，都可以幫手跳，蒙面都得，但驚佢搶我風頭，所以叫咗其他兄弟幫手。」覺得自己有優勢？Lokman信心十足話都有，加上狄以達及釗峰都有一定的號召力：「IG都多咗Fans支持，都多咗萬幾人（追蹤）。（聽日點拉票？）會做番拿手啲嘅跳舞，另一Part就會唱歌，但就同一開始參加比賽到依家嘅我都有啲唔同。」

至於另一參賽者Ian就指信心一半半，因為其餘的參賽者都有一定實力，所以都係諗住做好表現畀觀眾睇：「一開始對勝負都唔係睇得太重，參賽目的都係想多啲人認識，或者得到人哋認同，而喺比賽過程當中已經達到目的，又有一班fans支持。」續指Fans為支持自己，一早準備好打氣物品、易拉架、又會私下傾好Dress Code，故都感到好開心，講到自選表演環節，Ian表示可以再更加熟練。問到可有信心拍劇？他指之前曾拍攝過網劇，都有幸被當時的監製、導演讚賞，之後都想作多方面發展。