東網電視
更多新聞短片
陶大宇演黑社會大佬入型入格！
1/11
藝人陶大宇日前為ViuTV拍攝的劇集《詭探前傳》終於煞科，演出橫跨三個月。他透露其實只是拍了六天戲份，但飾演的角色非常突出令他過足戲癮。據知，有可能會有額外演出，延續角色。
似大佬靠啲咩？
在劇中演80年代黑社會大佬「鬼成」一角的大宇，造型相當「煞食」，他笑言最幫到造型是臉上一副眼鏡，架上這副「黑超」尤如大佬上身，生人勿近，連他自己都很喜歡，想向導演要求送贈。由於大宇在劇中有不少聲嘶力竭的演出，他坦言很消耗體力，最近天氣又乾燥，聲音亦因拍戲而變得沙啞致失聲。問可有滋補潤喉方法，大宇說：「我就冇秋官（同劇拍檔鄭少秋）咁滋陰，冇花粉、蜂蜜進補，只係喉沙時，食粒潤喉糖咋！哈哈！」
內地密密做
其實，主要令大宇「失聲」，是另有元兇。近期他中港往返頻繁，原來是他於內地商演高峰期，據大宇於微博的粉絲甫文顯示，幾乎隔日就見他出現在內地各個城巿，與嘉賓及觀眾熱情互動，相當受歡迎，加上又有唱歌演出，難怪唱到「失聲」，大宇透露：「最近的確忙於內地商演，頻撲中港兩地，舟車勞動，狀態唔夠，把聲容易變沙，不過，我都爭取足夠休息，希望喺劇集演出方面交足功課。」
咩角色都難唔倒佢！
鏡頭前相當認真！
喺戲中有唔少聲嘶力竭演出，大宇話好消耗體力！
不過最令大宇「失聲」嘅元兇，係因為密密喺內地出席活動，又要唱歌搞到聲沙！
不過佢話最幫到造型係臉上呢副眼鏡！
鏡頭後就笑得勁開心！
不過佢笑言冇秋官咁滋陰，都係食粒潤喉糖！
佢話鍾意到想叫導演送畀佢呀！
睇咩睇到入晒神？
對白襪仔好搶鏡噃！
