【潮魅】楊文蔚粉紅吊帶滲性感魅力

跳高女神楊文蔚（Cecilia）聯同星二代林愷鈴、藝人談善言為蕭邦的標誌性腕錶系列Happy Sport面世25周年拍攝名為「Your Happy Moments」的宣傳短片。Cecilia透露拍攝過程輕鬆愉快：「成個主題係講Happy Moment，問我人生快樂係乜嘢？呢個問題都好關連自己嘅價值觀同經歷，努力有回報嘅時候就係我嘅Happy Moment。」她續說：「至於快樂人生係乜嘢？我會覺得係毫無顧慮做自己鍾意嘅嘢，依家好多人、包括自己，畀太多唔關於自己嘅嘢影響自己，例如其他人嘅說話、社會壓力、或者係金錢上，令我哋唔可以做自己鍾意嘅嘢。」

此外，講到今次拍攝時身穿的粉紅色吊帶裙頗為性感，Cecilia就表示：「唔係好性感，只係我冇着過呢種風格，其實我有好多面，可以係運動員，亦可以好女性化。」而這三位女生又代表着Happy Sport系列的三種精神，快樂、活潑和自由，她們選擇以不同設計的腕錶來彰顯自己的獨特個性。