有善心!胡杏兒孖老公甘肅探唇顎裂兒童

20181030
東網電視
更多新聞短片
杏兒認真有善心!

藝人胡杏兒獲邀擔任微笑行動大使,遠赴甘肅省環縣進行義工活動,探訪患有唇顎裂的兒童。由於路程遙遠,杏兒坐了6個小時的飛機及車才到達當地,杏兒跟病童們打成一片,已為人母的杏兒更表示獲益良多,希望日後能帶仔仔一同參與慈善活動。

杏兒親身去到當地醫院與唇顎裂兒童接觸,身為媽媽的杏兒感受自然很深刻:「有啲小朋友已經步入學齡,去到學校因唇顎裂而畀同學取笑同歧視,同樣作為媽媽嘅身份,我覺得好可憐又心痛。」杏兒亦與來自世界各地的醫護人員以及病童家長交談,加深對唇顎裂的了解。今次整趟探訪活動,杏兒的丈夫都陪同在側,杏兒表示:「其實我老公成日都提醒我做人要感恩知足,難得有機會,所以更加想同佢一齊分享呢個旅程同經歷。」

杏兒表示等兒子長大後,都會帶他去偏遠山區做義工,她說:「希望令佢明白幸福並唔係必然,做人要珍惜以同感恩所擁有嘅一切。」