八樓天台危站 尹詩沛畏高頭暈暈

20181031
東網電視
更多新聞短片
真係好高呀!

無綫藝人尹詩沛(Nicole)在重頭劇《再創世紀》中戲份不少,跟周勵淇(Niki)及袁偉豪甚多對手戲,飾演富二代的她有多場鬧交戲,更要兜巴摑Niki及向她潑水,她直言也怕演出來令人討厭:「都驚會好乞人憎好八婆,千金應該係知書識禮,但我個角色以為自己好醒,都有可愛嘅一面,好在播出之後都好多人支持我。」

劇集尾聲,Nicole更有場天台企跳戲,她要危站八樓天台,直言驚到腳震:「有上威也,但我要45度傾斜咁企,仲飛甩高跟鞋,全靠好多工作人員後面掹住我,我望到下面都好驚,以前玩機動遊戲都唔驚,但當時係暈暈地,發覺原來自己有畏高!」