東網電視
更多新聞短片
EXO昨晚舉行回歸Showcase。
1/5
韓國人氣男團EXO昨日推出第5張正規專輯《Don't Mess Up My Tempo》，是他們相隔1年2個月再出碟，他們昨晚在仁川舉行回歸Showcase，90年代的元祖男團H.O.T最近重組舉行演唱會，成員Xiumin透露亦有去支持：「最近有同經理人打桌球，仲有去到H.O.T前輩嘅演唱會，睇到大哥們嘅演唱會，我都有諗去到嗰個年紀仲可唔可以開到騷，你哋到嗰時仲會唔會鍾意我哋？」現場立即歡呼回應，他就說：「OK，咁10年後見啦。」
伯賢亦有分享近況：「我有準備合作嘅歌，仲有做遊戲節目同埋開始做運動，但仲係差好遠，照鏡嘅時候就諗我到底幾時變成咁，1年2個月嘅時間裏面，我都諗咗好多嘢同成熟咗。」但隊長Suho就說：「依家都只係中二程度左右。」十分爆笑！
相隔多時回歸，Kai就表示終於能夠帶新歌演出好感動，伯賢就話好緊張：「因為係相隔好耐先回歸，怕把聲會封住咗，所以只瞓咗一個鐘頭，通宵練習。」Suho亦說：「係，我哋全部都瞓唔到覺，但D.O.就熟睡。」
Xiumin（上）話最近去咗H.O.T嘅演唱會，諗過第時開演唱會仲會唔會有咁多粉絲嚟。
Kai話相隔咁耐終於有新歌，真係好感動。
D.O.被爆前一晚瞓到好好，似乎唔太緊張。
伯賢（上）話自己成熟咗唔少，但就被Suho話佢依家都係等同中二學生。
