Mirror出道唔見肥仔 姜濤冇得做隊長
20181103
東網電視
更多新聞短片
Mirror出道，楊樂文（左）榮升隊長，姜濤（右）因年紀輕只能做隊員，而肥仔（圓圖）就冇份。
ViuTV舉行全新男子組合誕生日發布會，宣布由12名來自選秀節目《Good Night Show全民造星》參賽者組成的男子組合Mirror正式出道，並同時宣布Mirror將於12月21日在Star Hall舉行首個演唱會，可算是出道後最快舉行演唱會的組合。他們現場獻唱首隻派台歌《一秒間》，之後又向粉絲送贈簽名卡片，吸引幾百粉絲到場支持，場面虛冚。
12名成員包括隊長楊樂文（Lokman）、王智德（Alton）、江熚生（Anson Kong）、盧瀚霆（Anson Lo）、呂爵安（Edan）、陳瑞輝（Frankie）、陳卓賢（Ian）、柳應廷（Jer）、李駿傑（Jeremy）、姜濤（Show）、邱士縉（Stanley）及邱傲然（Tiger）。不過在選秀節目中打入十強的梁業（肥仔）、應智越（細貓）及王雍泰（龍志權）則冇份。
雖然姜濤成為選秀節目的冠軍，但未有任擔任組合隊長，他解釋：「唔關係咪第一名事，我年紀比較細，而Lokman係公認最幫手、經驗最多，又同每個人都夾到。」而Lokman就解釋隊名Mirror的意思，希望反映出大家最真實的一面，而鏡子可以折射出多個影像，就像每個成員不同的內涵。
合作半年好有默契
問組合運作如何？Lokman表示：「幾好，大家排舞都排好開心，好期待12月嘅演唱會，我哋每次表演都好期待，因為我哋都好鍾意唱歌同跳舞，希望將我哋嘅能量畀到大家睇。（想唔想叫埋肥仔佢哋一齊？）想呀！我哋都好掛住佢哋，希望有機會一齊演出，咁就正。（演唱會有咩環節？）籌備中，做啲觀眾冇見過嘅嘢。（會唔會有賣票壓力？）我哋唔會有，係經理人就有。（覺得開演唱會太快？）唔快，我哋都一齊玩咗半年，由一開始到依家，大家已經有好好默契。」
講粗口印腳罰50蚊
至於一個酬勞要分12份，Anson Kong坦言：「我哋一開始參加都唔係為錢，係想做大家想做嘅嘢，將來大家應該會分開做，會愈來愈少機會一齊，所以好難得，要珍惜。」
有指成員如果講粗口及印腳要罰50蚊，似乎是專為Edan而設，Edan笑言：「係有阻嚇性，我都係唔好講咁多嘢。」
問Lokman是否已跟前公司滿約？他說：「之前已經完咗約。（依家同ViuTV簽幾多年？）你哋想見到我幾耐就幾耐。長短視乎大家，嚟緊我哋出年會拍劇同有綜藝節目。」
----------------------------
東網巨星開咗ig喇，大家快啲follow啦！