東網電視
更多新聞短片
黃翊話太太依家好精神。
1/2
歌手黃翊到電台宣傳新碟，將於11月16日51歲生日的他表示明晚會在唱片監製開生日會。問之前昏迷入院的太太可會出席？他說：「唔會啦，佢仲喺醫院，但醫生話佢呢幾日就可以出院，其實佢已經喺醫院個幾月，佢依家好精神，但都恨返屋企沖番個靚涼，好好休養，但依家要睇緊啲佢，有時我要返工，會叫傭人廿四小時睇實佢。（佢出院係最好啲生日禮物？）好到不得了！成日由新界去跑馬地真係攰攰哋。（會唔會減少工作陪佢多啲？）唔關事，太太依家已經好精神，我唱片都冇咩嘢做，冇咩影響，最忙係演唱會前10日，我要準備演唱會，但佢又唔舒服，嗰排真係死頂，過到呢關之後以後冇嘢難到我。」他透露之後會與太太及仔仔一齊食自助餐慶祝生日，只要一家人健健康康就是最好的願望，亦會於11月17日會舉行簽唱會，順便與歌迷一齊慶祝生日。
講到新碟反應，他說：「我都係睇碟評，一致都係讚，一上大碟榜就係第三位，今個星期仲係第二位，個勢都幾好，好開心25、26年冇出碟，成績出乎我意料之外。（加印？）會呀，印緊第二版。（第一批賣晒？）係呀，印咗過千隻，原來依家過千已經算好好賣，當年我哋新人都有過萬隻，不過唔同啦，我哋冇乜宣傳都有呢個成績已經好開心。」
----------------------------
東網巨星開咗ig喇，大家快啲follow啦！
咁就掂啦！
