憑《是咁的》入屋！王梓軒黎振燁爆辛酸史

藝人黎振燁、王梓軒、林秀怡、林景程等在熱播劇《是咁的，法官閣下》中飾演新進大狀，為劇集注入不少活力。眾人在劇中面對不少挫折與難關，令同樣為工作及理想而庸庸碌碌的市民有同感。難怪劇集播出後口碑極好，演員們的演技亦備受讚賞。其中，四人一拍即合成為老友，在訪問中更互數不是。秀怡被指是最嘈吵的活躍份子，而振燁則是「NG王」。

「新面孔」的他們，首度有足夠戲份被觀眾所認識，其實他們同樣是2009年加人演藝圈，回頭將近十年，默默吸收養分等待出頭絕對不是容易事。振燁與秀怡是23期藝員訓練班出身的同學，回想當年畢業後的實習期，秀怡說：「劇接劇咁做閒角，冇人照顧，自己慢慢學識走位同搵鏡頭。」而振燁則是完全相反：「完全冇嘢做，畀人嫌我太高，依家寧願有得做冇得瞓！」振燁曾離巢再回到娘家，今次獲監製賞識，才有機會演出一角令人看見。

而梓軒與景程則同樣經歷轉換跑道的不安感，梓軒表示：「由歌手轉型做演員，完全係另一群人睇你表現，好多嘢係重新開始。以前做音樂嘅拍檔又以為你唔想做，要求平衡兩邊嘅工作，又係一個轉接期。」而景程從《超級巨聲》出身，笑言當年很快便被「Out」，但仍能很幸運地以歌手身份入行，到後來成為演員默默無名，今日能夠拍劇，要感謝監製及編審的重用。至於拍檔振燁就笑言：「喺佢哋（監製與編審）面前根本無法瞞天過海，佢哋比我更清楚自己，今次角色入型入格係全靠佢哋。」

----------------------------

東網巨星開咗ig喇，大家快啲follow啦！

https://bit.ly/2JjSVcr